Job 37

1 “Hih thu ah ka lungtang kisai-a ^a
ka diip vana khai bang hi.
2 Ngai dih un! Ama hawkna awging ^b
a kam pana ging damdam ngai dih un. ^c
3 Ama khuaphia vannuai buppi ah phiasak a, ^d
leimongte dongin a taansak hi. ^e
4 Ama hawkna aw khit ciangin
a thupina aw gingsak hi. ^f
Ama aw in a thawnkik ciangin
bangmah iip kik lo hi.
5 Piandangdangin Pasian’ aw ging hi; ^g
theihtel zawh loh nalianpite a bawl hi. ^h
6 Amah in vuk kiangah, ‘Leitungah kia in,’ ci a, ⁱ
khuapi guah kiangah, ‘Um-a beel-a buak bang in,’ci hi.
7 Ama bawlsa mite in ama nasep a theih nadingun,
mi khempeuh amau sepna ^{▼▼37.7 Ahikeh amah in a vangliatna tawh mi khempeuh lausak} ciat panin a khawlsak hi. ^k
8 Ganhingte in a belh ding uh zongin, ^l
a kua sunguah om uh hi.
9 A kuapi panin huihpi nungkhia a, ^m
huih mutna panin a vot paikhia hi. ⁿ
10 Pasian huusan in tuikhal piangsak a,
tui zaipipi a khalsak hi. ^o
11 Amah in meiite lakah tuikhu guang a, ^p
tuate lakah a khuaphia tangsak hi. ^q
12 Ama thupiakna bangin tuate lei
maitang tungah kihei kawikawi uh a,
ama sawl peuhpeuh sem uh hi. ^r
13 Amah in mihingte dan tuahsakna ^s
ahikeh leitang ^{▼▼37.13 Ahikeh amaute a angvanna} tui buahna le ama itna lahna-in meii a zang hi. ^u
14 “Job aw, hih na ngai dih ve; ^v
khawl inla Pasian nalamdang bawlte ngaihsun dih in. ^w
15 Pasian in meiite bangci uk a,
khuaphia bangci tansak cih na thei hiam? ^x
16 Amah in meiite bangci bangin bawmsak lingleng cih na thei hiam, ^y
theihna kicingtaka a bawl nalamdangte na thei hiam?
17 Leitaw-lam huih nuai-ah leitang a sip dide lai-a
na puan nuai-ah khua-ul kai neinaipa,
18 a kisung sumngo limlang banga khauh
vanpi a zal lai-in huh thei na hi hiam? ^z
19 “Ama kianga ka thu gen ding uh, hong hilh in; ^aa
Ka khuamialna uh hangin thu sun zia ding ka geel thei kei uh hi.
20 Ka gennop amah’n hong genkhol ding ahi hiam?
A kivalhtum dingin kua in va ngen ding ahi hiam?
21 Huih in tuate a mutsiang khit ciangin
vantung a, a tang ni
kuamah in a en thei kei hi. ^ab
22 Leilu lamah kham nopcitna tawh amah hong paikhia hi; ^ac
a kihtak huai thupina tawh Pasian hong pai hi. ^ad
23 Thahatpenpa, eite theih zawh le ama vangliatna, eite tawisang zawh hi lo hi; ^ae
amah thutangin a thumaanna lian hangin a nengniam kei hi. ^af
24 Tua ahi ciangin mite in amah zahtak mahmah uh hi;
ahang in, amah in a lungsim ^{▼▼37.24 Ahikeh ahangin, amah in pil a kisa amaute a thusim kei hi.} sunga pil a kisate thudon lo hi. ^ah